امریکی سینٹ کام کی وسطی و جنوبی ایشیائی دفاعی کانفرنس اختتام پذیر

تاشقند(این این آئی)امریکی فوج کے سینٹ کام(سینٹرل کمانڈ)کی وسطی و جنوبی ایشیائی دفاعی کانفرنس اختتام پذیر ہوگئی۔ تاشقند میں منعقدہ کانفرنس میں وسط ایشیا کے ممالک کے علاوہ پاکستان نے بھی شرکت کی۔ دفاعی کانفرنس میں پاکستان کی نمائندگی چیئرمین جوائنٹ چیف آف سٹاف نے کی۔ سینٹ کام کے مطابق کانفرنس کا مقصد مشترکہ علاقائی سلامتی پر توجہ دینا اور فوجی تعاون بڑھانا تھا۔ کانفرنس میں دوطرفہ اور کثیرالجہتی تعاون کیلیے آپشنز کاجائزہ بھی لیا گیا۔ سینٹ کام چیف نے کہا کہ وسطی اور جنوبی ایشیائی شراکت داروں سے گہرے تعلقات خطے میں امن و استحکام کیلئے ناگزیر ہیں۔ دو روزہ کانفرنس میں وسطی و جنوبی ایشیائی ممالک کے دفاعی عہدیداروں نے شرکت کی۔