سانحہ مستونگ میں ملوث دہشتگردوں کیخلاف کارروائی کی جائے‘روبینہ شاہ

کوئٹہ(پ ر) بی اے پی خواتین ونگ کی رہنما روبینہ شاہ نے بیان میں سانحہ مستونگ کی مذمت کرتے ہوئے قیمتی جانوں کے ضیاع پر افسو س کا اظہار کیا ہے انہوں نے کہا کہ بارہ ربیع الاول کے جلوس پر حملہ قابل مذمت ہے دہشتگردی میں ملوث عناصر انسان کہلانے کی لائق نہیں انہوں نے مطالبہ کیا کہ دہشتگردی میں ملوث افراد کو کیفر کردار تک پہنچایا جائے انہوں نے زخمیوں کی جلد صحت یابی کیلئے دعا کی۔