سوئی سے اغواء ہونے والے 6فٹ بالرز میں سے 4بازیاب

ڈیرہ بگٹی(نامہ نگار)9 ستمبر کو سوئی سے سبی جاتے ہوئے اغوا ہونے والے چھ نوجوان فٹبالرز میں سے چار کو بازیاب کروا لیا گیا ڈپٹی کمشنر ڈیرہ بگٹی اظہر شہزاد نےکے مطابق قانون نافذ کرنے والے اداروں، صوبائی حکومت اورانتظامیہ کی کوششوں سےچار فٹ بالر بازیاب ہوکر گھرپہنچ گئے جن کے نام عامر ، فیصل، یاسر اور سہیل ہیں انہوں نے کہاکہ باقی دو کھلاڑیوں کو بھی جلد بازیاب کرالیاجائے گا۔دریں اثناء نگران صوبائی وزیر اطلاعات جان اچکزئی نے کھلاڑیوں کی بازیابی کاخیرمقدم کرتے ہوئے کہاہے کہ سکیورٹی ادارے اپنی ذمہ داری بخوبی سرانجام دے رہے ہیں۔ انہوں نے مزید دو کھلاڑیوں کی بحفاظت بازیابی کیلئے قوم سے دعاؤں کی اپیل کی ہے۔علاوہ ازیں صوبائی وزیر پی ایچ ای و بہبود آبادی سردار اعجاز احمد خان جعفر نےکہاکہ کھلاڑیوں کی بحفاظت واپسی خوش آئند ہے ۔