پٹرول کی قیمت میں 8 روپے کمی، ڈیزل 11 روپے سستا

کراچی (نیوز ڈیسک) حکومت نے پیٹرولیم مصنوعات کی قیمتوں میں 11 روپے تک فی لیٹر تک کمی کا اعلان کردیا، پٹرول کی قیمت میں 8 روپے اور ڈیزل کی قیمت میں 11روپے کمی کردی گئی، پٹرول کی قیمت 331.38روپے فی لیٹر سے کم ہوکر 323.38 روپے فی لیٹر جبکہ ہائی اسپیڈ ڈیزل کی قیمت 329.18 روپے فی لیٹر سے کم کرکے318.18 روپے فی لیٹر کردی گئی ہے۔ نوٹی فکیشن جاری، اطلاق رات 12 بجے سے ہوگیا۔ وزارت خزانہ کی جانب سے جاری اعلامیے کے مطابق آئندہ پندرہ روز کیلئے پیٹرول کی فی لیٹر قیمت میں 8 روپے جبکہ ڈیزل کی قیمت میں 11 روپے کمی کی گئی ہے۔