توسیع پسندانہ عزائم، بھارتی ائر فورس مزید 156جنگی ہیلی کاپٹر خریدے گی

نئی دہلی(این این آئی)بھارت کے توسیع پسندانہ اور خطے میں بالادستی کے عزائم میں دن بہ دن شدت آتی جار ہی ہے ۔ بھارتی ائر فورس (آئی اے ایف) مزید 156 پراچنڈ لائٹ کامبیٹ ہیلی کاپٹر خریدنے جا رہی ہے، جو لائن آف کنٹرول (ایل او سی) اور لائن آف ایکچوئل کنٹرول پر تعینات کیے جائیں گے۔ کشمیر میڈیا سروس کے مطابق ایل او سی مقبوضہ کشمیر اور آزاد جموں و کشمیر کو الگ کرتی ہے جبکہ ایل اے سی لداخ کے علاقے میں چین اور بھارت کے درمیان متنازع سرحد ہے۔آئی اے ایف بھارتی ایروناٹکس لمیٹڈ (ایچ اے ایل) کو مزید 156 پراچنڈ لائٹ کامبیٹ ہیلی کاپٹروں کے آرڈر دینے جا رہی ہے جو چین اور پاکستان کے محاذوں پر کام میں لائے جائیں گے۔ دونوں محاذو ں پر پہلے ہی اس طرح کے 15ہیلی کاپٹر موجود ہیں۔سینئر بھارتی دفاعی عہدیداروںکا کہنا ہے کہ بھارتی حکومت سے جلد ہیلی کاپٹروںکی خریداری کی منظوری حاصل کی جائے گی۔ رپورٹس میں کہا گیا کہ 156 ہیلی کاپٹروں میں سے 66 بھارتی فضائیہ دیے جائیں گے۔