فائرنگ کے واقعات ،3 افراد جاں بحق ، مدرسے کے بچے سمیت 5؍زخمی

کراچی( اسٹاف رپورٹر ) اسٹیل ٹاؤن تھانے کی حدود نیشنل ہائی وے سومار گوٹھ کے قریب واقع اسٹیٹ ایجنسی پر ملزمان کی فائرنگ سے دو افراد جاں بحق ہو گئے۔واقعہ کے بعد ملزمان فرار ہونے میں کامیاب ہو گئے۔ مقتولین کی شناخت 65 سالہ زوار حسین کھوکھر اور 68 سالہ حاجی اطہر جوکھیو کے نام سے کی گئی۔ایس ایچ او سالم رند کے مطابق ابتدائی طور معلوم ہوا ہے کہ واقعہ ذاتی دشمنی کا شاخسانہ ہے۔سمن آباد تھانے کی حدود راشد منہاس روڈ ایدھی سینٹر کے قریب واقع مسجد عمر کے باہر ملزمان کی فائرنگ سے ایک شخص جاں بحق اور ایک بچہ زخمی ہو گیا جہاں مقتول کی شناخت 30 سالہ قیصر فاروق ولد رحمت اللہ اور زخمی بچےکی 10 سالہ فاروق ولد شاکر کے نام سے ہوئی۔فائرنگ میں جاں بحق ہونے والے قیصر فاروق مسجد ابوبکر پورٹ قاسم کے نائب امام تھے۔حاجی افضل ٹاؤن ٹی سی ایف اسکول کے قریب ملزمان کی فائرنگ سے 20 سالہ سیف اللہ ولد شریف اللہ زخمی ہو گیا ،لیاقت آباد تھانے کی حدود بندھانی کالونی میں نامعلوم سمیت سے آ کر گولی لگنے سے 35 سالہ سہیل ولد رئیس زخمی ہو گیا،رضویہ تھانے کی حدود رضویہ سوسائٹی میں نامعلوم سمت سے آ کر گولی لگنے سے 50سالہ محمود ولد مقصود زخمی ہو گیا ،سرجانی ٹاؤن کے علاقے میں ذاتی تنازع پر فائرنگ سے 28 سالہ میر حسن زخمی ہو گیا ۔