مستونگ اور ہنگو دھماکے میں بھارت اور افغانستان کا ہاتھ ہے،ضیاءعباس

کراچی( اسٹاف رپورٹر)سینئر سیاست داں اور مسلم لیگ کے سابق سیکریٹری جنرل سید ضیاء عباس نے کہا ہے کہ مستونگ اور ہنگو میں ہونے والے دھماکے افسوس ناک ہے، اس میں بھارت اور افغانستان کا ہاتھ ہے، بھارت عالمی دہشت گرد ہے جس کے سفارت خانے دہشت گردوں کی نرسری بنے ہوئے ہیں، بھارت کی دہشت گردی اب ایشیا سے نکل کر یورپ میں بھی پہنچ گئی ہے، کینیڈا میں سکھ رہنما کے قتل کے بعد بھارت نے اب کینیڈا کو بھی دھمکیاں دینا شروع کردی ہے۔