آئی ایم ایف کاایف بی آرکی کارکردگی پر اطمینان کا اظہار

اسلام آباد (جنگ نیوز)عالمی مالیاتی فنڈ (آئی ایم ایف ) نے فیڈرل بورڈ آف ریونیو (ایف بی آر) کی کارکردگی پر اطمینان کا اظہار کردیا ہے ۔ گزشتہ روز آئی ایم ایف اور ایف بی آرکے درمیان آن لائن میٹنگ ہوئی ۔ ایف بی آر کا کہنا ہے کہ کوئی نیا ٹیکس نہیں لگے گا،ایف بی آرکوئی نیا ٹیکس لگائے بغیر ہدف حاصل کرلے گا۔ میڈیا رپورٹس کے مطابق عالمی مالیاتی ادارے نے فیڈرل بورڈ آف ریونیو کی کارکردگی پر اطمینان کا اظہار کیا ہے۔ذرائع نے کہا کہ آئی ایم ایف کو اکتوبر کے پہلے ہفتے میں معاشی کارکردگی سے آگاہ کیا جائے گا جس میں جولائی تا ستمبر محصولات کا ڈیٹا آئندہ ہفتے آئی ایم ایف کو پیش کیا جائے گا۔ذرائع کے مطابق ایف بی آر نے رواں مالی سال کے پہلے 3 ماہ میں ہدف سے زیادہ ریونیو اکٹھا کیا، ایف بی آر نے رواں مالی سال کے پہلے 3 ماہ میں 2.1 ٹریلین ٹیکس اکٹھا کیا جب کہ تین ماہ میں ٹیکس وصولیوں کا ہدف 1.98 ٹریلین روپے رکھا گیا تھا۔ذرائع کا کہنا ہےکہ ایف بی آر نے ٹیکس چوروں کے خلاف کارروائیوں کے پلان سے بھی آئی ایم ایف کو آگاہ کردیا ہے۔