پی آئی اے کو نئے معاہدے کرنے سے روک دیا گیا

01 اکتوبر ، 2023

کراچی(این این آئی) نجکاری کمیشن نے پی آئی اے کو نئے معاہدے کرنے سے روک دیا۔ذرائع نے بتایا کہ مارچ 2024 تک پی آئی اے کوئی طویل مدتی معاہدے نہیں کرے گا۔ کمپنی کو لیز پر طیارے حاصل کرنے سے بھی روک دیا گیا ۔ نجکاری کیلئے فنانشل ایڈوائرز کی تعیناتی کا عمل شروع ہو گیا ہے۔ ذرائع وزارت خزانہ کا کہنا ہے کہ ایئرلائنز کا قرض، حکومتی گارنٹیز اور دیگر ایشوز کو حل کرنے کا پلان تیار ہے۔ذرائع کے مطابق ایئرلائن کی نجکاری دسمبر میں کرنیکا فیصلہ کیا گیا ہے جبکہ اس کے ملحقہ اداروں کی نجکاری نہیں کی جائے گی۔ فروخت کا عمل فروری تک مکمل ہوجائے گا۔