کورونا کے بعدنپاہ نامی جاں لیوا وائرس کے لاہور سمیت پنجاب بھر میں ممکنہ حملے اور اس کا پھیلائو روکنے کا حکومتی سطح پر ہائی الرٹ جاری کیا جاناعوامی اور سماجی حلقوں کیلئے انتہائی محتاط رہنے کی ترغیب دیتا ہے۔صوبے کے انتظامی اور متعلقہ محکموں کو جاری کئے گئے مراسلے میں دی گئی ہدایات کی روشنی میں اسے انسان کیلئے خطرناک اور مہلک اور اس کی شرح اموات 74فیصد قرار دی گئی ہے۔یہ وائرس ہمسایہ ملکوں میں تیزی سے پھیلنے کی اطلاعات ہیں اور اس کے پاکستان میں حملے کا خدشہ ظاہر کیا گیا ہے جس کی کوئی ویکسی نیشن نہیں اور اس سے بچائو کیلئے احتیاطی تدابیر پر ہی گزارا کرنا پڑ رہا ہے۔صحت کے ماہرین کے مطابق نپاہ نامی وائرس چمگادڑوں اور خنزیروں سمیت بعض دوسرے جانوروں میں پایا گیا اور وہاں سے انسانوں میں منتقل ہوا۔اس کی ابتدائی علامات میں کھانسی، سانس لینے میں دشواری، تیز بخار، جھٹکوں کے دورے پڑنا اور دماغی حالت کا غیر ہونا شامل ہے اور مریض تین سے چار دن میں مسلسل بے ہوشی کی کیفیت تک پہنچ سکتا ہے۔محکمہ صحت کے مراسلے کے مطابق درخت پر لگے پھل چمگادڑ کے کترنے کے بعد انسان کھالے تو اس سے نپاہ کے امکانات بڑھ جاتے ہیں جس کیلئے ڈاکٹر تمام پھل دھوکر کھانے کا مشورہ دیتے ہیں۔پنجاب حکومت نے صوبے کےمتعلقہ محکموں کو نپاہ اور اس کے ممکنہ حملے سے بروقت آگاہ کیا ہے۔ وبا کوئی بھی ہو، بہرحال وباہے اور اس کا محض ایک صوبے تک محدود رہنا ممکن نہیں ، دوسروں کو بھی صورتحال کا بروقت ادراک ہونا چاہئے۔نپاہ کا تعلق کھانے پینے سے بتایا گیا ہے ، ملک کی تمام صوبائی حکومتوں اور محکموں کو تشہیری مہم کے ذریعے اس سے بچائو کی تدابیر اختیار کرنے کی ہدایات پر مبنی مہم شروع کرنا وقت کا ناگزیر تقاضا ہے۔ تمام سرکاری اور نجی اسپتالوں پر حسب ضرورت انتظامات اور ان پر کڑی نظر رکھنا بہر حال حکومتی ذمہ داری ہے۔
اداریہ پر ایس ایم ایس اور واٹس ایپ رائے دیں00923004647998
اس کی کیا حیثیت گو بظاہر ایک مالی سہارے سے بڑھ کر ہم پہ ہے مہربان آئی ایم ایفاقتصادی ادارے سے بڑھ کر
میڈیا ……مبشر علی زیدییونیورسٹی میں میڈیا اسٹڈیز کی پہلی کلاس تھی۔پچیس طلبہ دیکھ کر میں خوش ہوا۔تعارفی...
محی الدین وانی آج کل وفاقی سیکرٹری تعلیم ہیں، وہ اس سے پہلے اور مختلف پوزیشنوں پہ کام کر چکے ہیں، وہ جس شہر...
جہاں تک ابا جی کی ذاتی زندگی کا تعلق ہے وہ قابل تقلید بھی ہے اور دلچسپ بھی۔ ابا جی ان دنوں احباب...
پاکستان بلکہ دنیا کی تاریخ میں ایک بھی مثال نہیں ملتی کہ سیاست اور جمہوریت کے نام پر ایک جماعت اپنی ہی ریاست...
مصنوعی ذہانت والے ہما ری صحافت، عدلیہ اور کارِ حکومت پہ ایسے قابض ہوئے ہیں کہ میں چھ دن پہلے کراچی گئی، تب بھی...
پاکستان اورترکیہ کے تعلقات کی ایک طویل تاریخ ہے ،صدیوں سے دونوں ممالک کے عوام کے دل ایک دوسرے...
صدر ٹرمپ اور نیتن یاھو نے بروز ہفتہ12 بجے دن تک حماس کو یرغمالیوں کی رہائی کا الٹی میٹم دے رکھا ہے، بصورت دیگر...