پاکستان صرف اشرفیہ کیلئے آزاد ہوا ہے عام آدمی کیلئے نہیں ،سعدرفیق

فتح جنگ (نمائندہ جنگ ) مسلم لیگ(ن) کے رہنماء خواجہ سعد رفیق نے کہا ہے کہ پاکستان صرف اشرفیہ کیلئے آزاد ہوا ہے عام آدمی کیلئے نہیں یہاں بات کرنیوالے کو جیل بھجوا دیا جاتا ہے، 21اکتوبر کو نواز شریف کے استقبال کیلئے ملک کے کونے کونے سے لوگ نکلیں گے قو م قائد کا تاریخی استقبال کریگی مخالفین دنگ رہ جائیں گے ، نواز شریف کی وطن واپسی ،استقبال کی تیاریوں کیلئے لیگی قائدین کے اجلاس سے خطاب کرتے ہوئے سعد رفیق نے کہا ہم نے لڑائی نہیں کرنی لیکن سرنڈر بھی نہیں کرنا ، مکالمہ کرنا ہے ، 21اکتوبر نواز شریف کا نہیں پاکستان کے روشن مستقبل کا استقبال کرنا ہے نواز شریف کا جرم یہ تھا کہ وہ آئین کی بالادستی قانون کی حکمرانی کی بات کرتا ہے اور ملک میں خوشحالی لانا چاہتا تھا، جنہوں نے نواز شریف کی حکومت کو ختم کیاآئین توڑنے اور سہولت کاری کرنے والے ہر مجرم کو تاریخ کٹہرے میں کھڑا ہونا پڑیگا، مصدق ملک نے کہا نواز شریف کی آمد امید کا پیغام ہے یہ ملک کسی سیٹھ کا نہیں ،غریبوں مزدوروں ہاریوں اور عوام کا ہے، نواز شریف ہی ملک کو اندھیروں سے نکال کر تعمیر و ترقی کی راہ پر گامزن کرنے کی صلاحیت رکھتے ہیں۔