کراچی کےصنعتی صارفین کیلئے رعایتی پیکچ کیخلاف درخواست پر سماعت میں تاخیر،انڈسٹری کاتحفظات کااظہار

03 اکتوبر ، 2023

اسلام آباد(کامرس رپورٹر ) کراچی کے صنعتی صارفین کیلئےنیپرا میں رعایتی پیکچ کیخلاف دائر درخواست کی سماعت میں غیر معمولی تاخیر پر اندسٹری نے شدید تحفظات کا اظہار کیا ہے، پاکستان ایسوسی ایشن آف لارج سٹیل پروڈیوسرز نےکہا ہےکہ سٹیل انڈسٹری طویل عرصے سے بجلی کے یکساں ٹیرف سے محروم ہے،ترجمان واجد بخاری نے کہا کہ بروقت فیصلہ سازی نہ ہونے سے سبسڈی کے اطلاق میں رکاوٹیں حائل ہیں ملک بھر کی صنعت پیکچ سے مستفید ہورہی ہے تاہم کراچی کی انڈسٹری کو محروم رکھنا امتیازی سلوک ہے اس طرح کے اقدامات کاروباری برادری کے اعتماد کوٹھیس پہنچانے کے مترادف ہے، انڈسٹری کو ترقی کی راہ پر شدید مسابقت اور بجلی کے بلند ترین نرخوں جیسے چیلنجز کا سامنا ہے، شدید معاشی بحران کی وجہ سے سٹیل انڈسٹری بند ہونے کے دہانے پر پہنچ چکی ہے رعایتی پیکچ کے اطلاق میں بیورو کریسی کے روایتی ہتھکنڈے اوربے حسی آڑے آرہی ہے ملک بھر کی صنعتوں کو یکساں ماحول فراہم کرنے کی ضرور ت ہے ، وفاقی حکومت نیپرا ٹریبونل میں درخواست کی بروقت سماعت کیلئے کردار ادا کرے اور ایک ماہ کے اندر بجلی کے رعایتی پیکچ کے اطلاق میں حائل رکاوٹوں کو دور کیا جائے۔