بھارتی خفیہ ایجنسی را کی سہولت کاری گرفتار ملزمان کے جسمانی ریمانڈ میں توسیع

اسلام آباد (خبر نگار) انسداد دہشت گردی کی خصوصی عدالت نے بھارتی خفیہ ایجنسی را کی سہولت کاری کے الزام میں گرفتار دو ملزمان کے جسمانی ریمانڈ میں سات روز کی توسیع کر دی۔ گزشتہ روز خصوصی عدالت کے جج ابوالحسنات ذوالقرنین نے سماعت کی تو دونوں ملزمان معیز احمد اور مہران یوسف کو عدالت میں پیش کیاگیا۔ اس موقع پر تفتیشی افسر نے دونوں ملزمان کے مزید جسمانی ریمانڈ کی استدعا کرتے ہوئے کہا کہ دونوں ملزمان بھارتی خفیہ ایجنسی را کو معلومات فراہم کرنے میں ملوث ہیں ، فراہم کی گئی معلومات پر مزید تفتیش درکار ہے۔ عدالت نے تفتیشی افسر کی استدعا پر دونوں ملزمان کا مزید 7روزہ جسمانی ریمانڈ منظور کر لیا۔