مہنگائی میں 4 فیصد اضافہ، ستمبر میں شرح بڑھ کر 31.44 فیصد ہوگئی

03 اکتوبر ، 2023

اسلام آباد(نمائندہ جنگ ) ملک میں ماہ ستمبر میں مہنگائی کی شرح بڑھ کر 31.44فیصد ہو گئی ہے،مہنگائی میں 4فیصد اضافہ ہوا، شہری علاقوں میں مہنگائی کی شرح میں 4.7،دیہی علاقوں میں 3فیصد اضافہ ریکارڈ کی گئی، کنزیومر پرائس انڈیکس کے مطابق ماہ ستمبر 2023میں مہنگائی کی شرح میں اگست 2023کے مقابلے میں 4فیصد اضافہ ہوا ہے جبکہ گزشتہ برس ستمبر کے مقابلے میں 8.24فیصد اضافہ ہوا ہے،اگست میں مہنگائی کی شرح27.4فیصد اور گزشتہ برس ستمبرمیں مہنگائی کی شرح 23.2فیصد تھی ، رواں مالی سال کے پہلی سہ ماہی جولائی تا ستمبر کے دوران ملک میں مہنگائی کی اوسط شرح 29.04فیصد رہی جو گزشتہ برس اس عرصے میں 25.11فیصد تھی ، پاکستان بیور و آف شماریات نے ماہانہ افراط زر کے اعداد وشمار جاری کیےہیں ، ملک کے 35شہروں میں 356اشیاء اور دیہی علاقوں میں 244اشیاء کی قیمتوں کا جائزہ لیا گیا جن کے مطابق شہری علاقوں میں مہنگائی کی شرح میں 4.7فیصد اور دیہی علاقوں میں 3فیصد اضافہ ریکارڈ کیا گیا۔