چیئرمین پی ٹی آئی کی ضمانت کی9 درخواستیں مسترد کرنے کافیصلہ کالعدم

اسلام آباد (ایجنسیاں، جنگ نیوز) اسلام آباد ہائیکورٹ نے چیئرمین پی ٹی آئی کی 9 مقدمات میں درخواست ضمانت خارج کیے جانے کا سیشن عدالت کا فیصلہ کالعدم قرار دیدیا۔جبکہ عمران خان کی سائفر کیس میں درخواست ضمانت کی ان کیمرا کارروائی کی استدعا پر فیصلہ محفوظ کرلیا۔تفصیلات کے مطابق اسلام آباد ہائیکورٹ نے چیئرمین پی ٹی آئی کی 9 مقدمات میں درخواست ضمانت خارج کیے جانے کا سیشن عدالت کا فیصلہ کالعدم قرار دیدیا۔ چیف جسٹس اسلام آباد ہائی کورٹ جسٹس عامر فاروق کی سربراہی میں دورکنی بنچ نے فیصلے میں متعلقہ عدالتوں کو دوبارہ کیس سننے کا حکم دیدیا۔ اسلام آباد ہائی کورٹ نے چیئرمین پی ٹی آئی کی 9 درخواست ضمانت پر محفوظ فیصلہ سنایا، چیف جسٹس عامر فاروق اور جسٹس طارق محمود جہانگیری نے سیشن عدالت کے فیصلوں کیخلاف چیئرمین پی ٹی آئی کی درخواستیں منظور کر لیں۔