32 سال نوکری کرنے والا ایس پی مبینہ طور پر جعلی نکلا

03 اکتوبر ، 2023

کراچی ( اسٹاف رپورٹر )پولیس میں مبینہ طور جعلسازی کا انوکھا کیس سامنے آیا ہے۔جعلی تقررنامے پر 32سال نوکری کرنے والا ایس پی مبینہ طور پر جعلی نکلا۔اس حوالے سے سامنے آنے والی معلومات کے مطابق اعجاز ترین نے جعلی تقررنامے پر اے ایس آئی سے ایس پی تک نوکری کی ۔اعجاز ترین 32 سال تک سرکاری مراعات کے مزے لیتا رہا اور بطور ایس پی سندھ میں کئی شہروں میں پوسٹنگ پر بھی رہا۔اعجاز ترین نوابشاہ میں کئی سال تک ڈی ایس پی کی پوسٹ پر تعینات رہا اور اسکی سندھ کی اہم سیاسی شخصیات سے خصوصی قربت بھی رہی۔اعجاز ترین اپنی سروس کے مزید سال بھی آرام سے گزار دیتا تاہم سنیارٹی کے لیے کی گئی اعجاز ترین کی اپیل کی جانچ پڑتال کے دوران بھرتی کے لیے تقرر نامہ ہی جعلی نکلا۔