ارسا ایڈوائزری کمیٹی، ربیع سیزن کیلئے پانی کی تقسیم کی منظوری

اسلام آباد ( ناصر چشتی خصوصی نمائندہ) ارسا کی ایڈوائزری کمیٹی نے نے ربیع 2023 -24 کے لیے صوبوں میں پانی کی تقسیم کی منظوری دے دی، ارسا کی کمیٹی کا اجلاس گزشتہ روزچیئرمین ارسا کی صدارت میں ہوا، انجینئرنگ ایڈوائزر ،وزرات آبی وسائل ،ممبر (پانی)،واپڈا کے تکنیکی مشیر،تربیلا، منگلا اور چشمہ آبی ذخائر، صوبائی محکمہ آبپاشی کے سینئر نمائندے اور ارسا کے سینئر تکنیکی عملے نے شرکت کی۔کمیٹی کے مطابق صوبوں کو سیزن کے دوران پنجاب 16.97ملین ایکڑ. سندھ کو 12.80. بلوچستان کو 1.18اور کے پی کو ( سی ار بی سی) سے0.71ملین ایکڑ فٹ پانی ملے گا اس طرح کل31.66ملین ایکڑ فت پانی ملے گا اور یہ گزشتہ سال سے 8فیصد زیادہ ہو گا ۔