ڈالر 1.50 روپے مزید سستا، 283.50 کا ہوگیا

کراچی ( اسٹاف رپورٹر) روپے کی قدر میں اضافے کا تسلسل برقرار،روپے کے مقابلے پر انٹر بینک میں ڈالر کی قیمت خرید ایک روپے تک اور اوپن مارکیٹ میں 1.50 روپے کم ہو گئی،یورو کی قیمت ایک روپے گھٹ گئی ،پاؤنڈ بھی ایک روپے سستا ہو گیا ، فاریکس ایسوسی ایشن کی جاری کردہ رپورٹ کے مطابق پیر کو روپے کے مقابلے پر انٹر بینک میں ایک روپے کی کمی سے ڈالر کی قیمت خرید 287.60 روپے سے کم ہو کر 286.60 روپے اور قیمت فروخت 90 پیسے کی کمی سے 287.80روپے سے کم ہو کر 286.90 روپے ہو گئی ہے، دوسری جانب اوپن مارکیٹ میں 1.50 روپے کی کمی سے ڈالر کی قیمت خرید 285.00 روپے سے کم ہو کر 283.50 روپے اور قیمت فروخت 288.00 روپے سے کم ہو کر 286.50 روپے ہو گئی۔ فاریکس رپورٹ کے مطابق ایک روپے کی کمی سے یورو کی قیمت خرید 303.00 روپے سے کم ہو کر 302.00روپے اور قیمت فروخت 306.00 روپے سے کم ہوکر 305.00 روپے ہو گئی جبکہ ایک روپے کی کمی سے برطانوی پاؤنڈ کی قیمت خرید 349.50 روپے سے کم ہو کر 348.50 روپے اور قیمت فروخت 353.00 روپے سے کم ہو کر 352.00 روپے ہو گئی ہے،دریں اثنا پیر کو اسٹیٹ بینک کا ڈالر کلوزنگ ریٹ98پیسے کی کمی سے 286.76 روپے پر آگیا ہے۔