نپاہ وائرس، سندھ میں بھی الرٹ

03 اکتوبر ، 2023

کراچی (اسٹاف رپورٹر) بھارت میں پھیلنے والے خطرناک وائرس نپاہ پھیلنے کے معاملہ پر محکمہ صحت سندھ نے ایڈوائزی جاری کر دی ہے۔ پاکستان میں بھی پھیلاو کے ممکنہ خطرے پر ایڈوائزری جاری کی گئی ہے۔ نپاہ نامی وائرس کے ممکنہ خطرے کے پیش نظر تمام عملے کو الرٹ رہنے کی ہدایت کردی گئی ہے۔ ڈائریکٹرجنرل ہیلتھ سندھ نے تمام اسپتالوں کو مراسلہ لکھ دیا۔ سندھ بھر کے اسپتالوں کے ایم ایس ، ڈائریکٹرز، اور محکمہ لائیو اسٹاک کو الرٹ رہنے کی ہدایت کردی۔ نپا وائرس جانوروں سے انسانوں اور انسانوں سے انسانوں میں تیزی سے پھیلتا ہے۔ وائرس کی ابتدائی علامات میں بخار،سر میں درد ،جسم میں درد ، کوما سمیت دیگر علامات شامل ہیں۔ سندھ سمیت پاکستان بھر میں تاحال کوئی کیس سامنے نہیں آیا۔