فلسطین دنیا کا سلگتا مسئلہ، عالم اسلام یکجہتی سے حل کرے، سراج الحق ،تقی عثمانی سے گفتگو

لاہور(نمائندہ خصوصی)امیر جماعت اسلامی سراج الحق نے کہا ہے کہ فلسطین دنیا کا سلگتا ہوا مسئلہ، عالم اسلام یکجہتی کا مظاہرہ کر کے اسے حل کرے،فلسطین اور قبلہ اوّل کی آزادی کا وقت آپہنچا ہے۔ پاکستانی قوم فلسطین کی آزادی کے مسئلہ پر متحد ہے۔ حکمران بھی جرأت کا مظاہرہ کریں۔ اسلامی ممالک کے حکمران بھی خواب غفلت سے بیدار ہوں اور کھل کر فلسطینیوں کی حمایت کریں۔ان خیالات کا اظہار انہوں نے منگل کو مہتمم دارالعلوم کراچی مفتی تقی عثمانی اور مہتمم جامعۃ العلوم الاسلامیہ بنوری ٹاؤن مولانا محمد سلمان بنوری سے ملاقاتوں کے موقع پر گفتگو کرتے ہوئےکیا۔