رینٹل پاور نیب ریفرنس :راجہ پرویز اشرف ذاتی حیثیت میں عدالت طلب

اسلام آباد (این این آئی)احتساب عدالت نے رینٹل پاور نیب ریفرنس میں آئندہ سماعت پرراجہ پرویز اشرف کو حاضری کیلئے ذاتی حیثیت میں طلب کرلیا۔ جمعرات کو اسپیکر قومی اسمبلی راجہ پرویز اشرف کیخلاف رینٹل پاور نیب ریفرنس کیس میں سماعت احتساب عدالت تین کے جج محمد بشیر نے کی۔اسپیکر قومی اسمبلی راجہ پرویز اشرف احتساب عدالت تین پیش نہ ہوئے۔ راجہ پرویز اشرف کی جانب سے پلیڈر ارشدتبریز احتساب عدالت پیش ہوئے ۔احتساب عدالت نے راجہ پرویز اشرف کے خلاف کیس کی سماعت 2 نومبر تک ملتوی کردی۔آئندہ سماعت پر احتساب عدالت نے راجہ پرویز اشرف کو حاضری کے لییذاتی حیثیت میں طلب کرلیا۔راجہ پرویز اشرف ریشما، سمندری، راٹوڈیرو، ستیانا اور گلف پاور پلانٹ پراجیکٹس سے متعلق ریفرنس میں ملزم نامزد ہیں۔