انوارالحق کاکڑوزرا ءاور سرکاری افسران کے غیر ضروری دوروں پر برہم

13 اکتوبر ، 2023

اسلام آ باد (آئی این پی ) نگران وزیراعظم انوار الحق کاکڑ نے نگران وفاقی وزرا اور اعلی سرکاری افسران کے غیر ضروری بیرون ملک دوروں پر برہمی کا اظہار کرتے ہوئے وزرا کو غیرضروری طور پر بیرون ملک دورے کرنے سے منع کردیا ۔انہوں نے ہدایت کی ہے کہ صرف انتہائی ناگزیرغیرملکی دورے کیے جائیں جہاں سپانسر متعلقہ ملک یا ادارہ ہو، دوروں سے قبل مجازاتھارٹی سے باقاعدہ اجازت لی جائے اور ہردورے کے اغراض ومقاصد سے بھی آگاہ کیا جائے۔ وزیراعظم کو بعض وزرا،اعلی سرکاری افسران کے غیرملکی دوروں کی رپورٹ پیش کی گئی جس میں کہا گیا کہ دوروں کی وجہ سے وفاقی وزارتوں اورپاک سیکرٹریٹ میں کام متاثر ہو تا ہے، کئی اعلی افسران بچوں سے ملنے کیلئے سرکاری دورے بناکر بیرون ملک گئے۔