پاک بھارت میچ،شائقین اسپتالوں کے کمرے بک کرانے لگے

احمد آباد (نیوز ڈیسک) بھارت کے شہر احمدآباد میں پاکستان اور بھارت کے درمیان آئی سی سی ورلڈکپ کے میچ کا بخار اسپتالوں تک پہنچ گیا۔خبر ایجنسی کے مطابق احمدآباد میں ہوٹلوں کے کرائے آسمان سے باتیں کر رہے ہیں، جس کے بعد اسپتالوں میں شائقین کرکٹ کا رش بڑھ گیا۔ورلڈکپ کے بڑے میچ سے پہلے اسپتالوں میں مریضوں کے بکنگ کی تعداد بڑھ گئی، شائقین کرکٹ میچ سے ایک دن پہلے اسپتالوں میں بکنگ کروانے لگے۔صدر احمدآباد میڈیکل ایسوسی ایشن تشار پٹیل کا کہنا ہے کہ کچھ کیسز ایسے آئے ہیں جو میچ کیلئے آئے، شائقین میڈیکل چیک اپ کا کہہ کر اسپتال میں بکنگ کا پوچھ رہے تھے۔