انٹر بینک میں ڈالر 95؍ پیسے تک اوپن مارکیٹ میں ایک روپے سستا

کراچی ( اسٹاف رپورٹر) روپے کے مقابلے پر انٹر بینک میں ڈالر 95 پیسے تک اور اوپن مارکیٹ میں مزید ایک روپے سستا ہو گیا،یورو کی قیمت میں ایک روپے کی کمی ،پاؤنڈ کی قیمت بھی ایک روپے کم ہو گئی، فاریکس ایسوسی ایشن کی جاری کردہ رپورٹ کے مطابق جمعرات کو روپے کے مقابلے پر انٹر بینک میں ڈالر کی قیمت خرید 95 پیسے کی کمی سے 279.45 روپے سے کم ہوکر 278.50 روپے اور قیمت فروخت 90 پیسے کی کمی سے 279.70 روپے سے کم ہو کر 278.80 روپے ہو گئی۔اوپن مارکیٹ میں ایک روپے کی کمی سے ڈالر کی قیمت خرید 276.00 روپے سے کم ہو کر 275.00 روپے اور قیمت فروخت 279.00 روپے سے کم ہو کر 278.00 روپے پر آگئی ہے،فاریکس رپورٹ کے مطابق یورو کی قیمت خرید ایک روپے کی کمی سے 294.00 روپے سے کم ہو کر 293.00 روپے اور قیمت فروخت 297.00 روپے سے کم ہو کر 296.00 روپے ہو گئی جبکہ ایک روپے کی ہی کمی سے برطانوی پاؤنڈ کی قیمت خرید 341.00 روپے سے کم ہو کر 340.00 روپے اور قیمت فروخت 345.00 روپے سے کم ہو کر 344.00 روپے ہو گئی۔دریں اثنا جمعرات کو اسٹیٹ بینک کا ڈالر کلوزنگ ریٹ 93 پیسے کی کمی سے 278.58 روپے پر آگیا۔