وفاقی حکومت کا نیب ترامیم کو کالعدم قرار دینے کے فیصلے کیخلاف اپیل دائر کرنے کا فیصلہ

13 اکتوبر ، 2023

اسلام آبا د ( آن لائن ) وفاقی حکومت نے نیب ترامیم کو کالعدم قرار دینے کے فیصلے کے خلاف اپیل دائر کرنے کا فیصلہ کرلیا ہے،اپیل آئندہ چند روز میں دائر کی جائیگی،وفاقی حکومت نے وزارت قانون کے ذریعے عدالت کے 15 ستمبر کے فیصلے کے خلاف اپیل دائر کرے گی،وزارت قانون پریکٹس اینڈ پروسیجر ایکٹ کا فیصلہ آنے کے بعد اپیل دائر کرے گی، اپیل میں مزید اضافی دستاویزات جمع کرانے کی مہلت بھی لی جائیگی۔یاد رہے کہ سابق چیف جسٹس عمر عطا بندیال کی سربراہی میں تین رکنی بنچ نے نیب ترامیم کو 2 ایک کے تناسب سے کالعدم قرار دیا تھا۔