کے پی حکومت 18 کرکٹ اکیڈمیز کمرشلائز کرے گی

کراچی(اسد ابن حسن) خیبر پختون خواکے ڈائریکٹوریٹ اسپورٹس نے صوبے بھر میں حال ہی میں قائم 18 کرکٹ اکیڈمیز کو کمرشلائز کرنے کا فیصلہ کیا ہے۔ ان کرکٹ اکیڈمیز کو استعمال کرنے والی ٹیموں سے ماہانہ بنیادوں پر رقوم وصول کی جائیں گی۔ ان کرکٹ اکیڈمیز کو کمرشل بنیادوں پر جوائنٹ وینچر، سروس پرووائڈرز، فرموں، فرنچائز، خود مختار باڈیز اور بین الاقوامی کرکٹ کھلاڑیوں کو دینے کی تجویز ہے۔ اس فیصلے کا مقصد کرکٹ کے ٹیلنٹ کو فروغ دینا اور ڈائریکٹوریٹ کے لیے فنڈز اکٹھے کرنا ہے۔