پانچ بار کی عالمی چیمپئن آسٹریلیاکو مسلسل دوسری شرمناک شکست

13 اکتوبر ، 2023

کراچی (نما ئندہ جنگ ) ورلڈ کپ کرکٹ ٹورنامنٹ میں پانچ بار کی چیمپئن آسٹریلیا کو مسلسل دوسرے میچ میں شرم ناک شکست ہوگئی۔ بھارت کے بعد جنوبی افریقا نے آسٹریلیا کو 134 رنز سے آئوٹ کلاس کردیا ۔ ناکام ٹیم 177 رنز پر آؤٹ ہوگئی۔ فاسٹ بولرکگیسو ربادا نے 3 جبکہ مارکو جانسن ، کیشو مہاراج اور تبریز شمسی نے 2 ،2 وکٹیں لیں۔ دو ناکامیوں کے بعد فیورٹ آسٹریلیا کو اگلے سات میچوں میں غیر معمولی کارکردگی دکھانا ہوگی۔