تجا وزات کیخلاف سی ڈی اے آپریشن، 300کنال اراضی واگزار

اسلام آ باد ( نیوز رپورٹر) سی ڈی اے انفورسمنٹ ڈائریکٹوریٹ نے دیگر شعبوں کی معاونت سے جمعرات کے روز نسٹ یونیورسٹی سیکٹر I-12/2 اور I-12/3 کے قریب قائم تجا وزات کے خلاف آپریشن میں سینکڑوں کمرے اور متعدد مویشیوں کے باڑے مسمار کردیئے گئے۔ یہ تجاوزات سیکٹر کے ترقیاتی کاموں میں رکاوٹ کا باعث بن رہی تھیں۔ آپریشن کے نتیجے میں 300کنال اراضی واگزار کروا کر سیکٹر ڈویلپمنٹ کے حوالے کردی گئی۔ راول ٹاؤن میں بھی متعدد تھڑے اور کاؤنٹر ختم کرکے 4 ٹرک سامان ضبط جبکہ پارکنگ ایریا اور گلیوں میں متعدد فروٹ سٹال سمیت دیگر تجاوزات کو ختم کردیا گیا۔سیکٹر F-7 مرکز سے بھی تجاوزات ختم کرکے 4ٹرک سامان بحق سرکار ضبط کر لیا ۔