افغانیوں سےپاکستانی پاسپورٹ برآمدگی، پاسپورٹ ڈائریکٹوریٹ کا حاضرسروس،ریٹائرڈ ملازم گرفتار

اسلام آباد (خصوصی نامہ نگار)سعودی عرب میں 12ہزار افغان شہریوں سے پاکستانی پاسپورٹ برآمدگی کی روشنی میں تحقیقات شروع کر دی گئی ہیں، جعلی پاسپورٹ بنانے میں ملوث گروہ کا مرکزی ملزم اور پاسپورٹ ڈائریکٹوریٹ اسلام آباد کا ایک حاضر اور ایک ریٹائرڈ ملازم گرفتارکر لئے گئے ہیں ، ڈی جی پاسپورٹ ڈائریکٹوریٹ مصطفیٰ قاضی اور ایف آئی اے نے تحقیقات شروع کر دی ہیں،ذرائع کا کہنا ہے کہ افغان شہریوں کو پاکستانی پاسپورٹ جعلی شناختی کارڈز پر جاری کئے گئے تھے،پاکستانی پاسپورٹس اینڈ امیگریشن حکام کا کہنا ہے کہ پاسپورٹ ڈائریکٹوریٹ اپنی ذمہ داریوں سے آگاہ ہے، معاملے کی پوری چھان بین اور نادرا ڈیٹا بھی کاؤ نٹر چیک کر رہے ہیں۔