شیخ زید پوسٹ گریجویٹ میڈیکل انسٹیٹیوٹ لاہور کے ملازمین کی

تنخواہوں کی ادائیگی کی اپیلاسلام آباد ( جنگ نیوز) وفاقی وزارت صحت کے زیر انتظام چلنے والے شیخ زید پوسٹ گریجویٹ میڈیکل انسٹیٹیوٹ لاہور کے ملازمین نے تنخواہوں کی ادائیگی کی اپیل کی ہے۔ الائیڈ ہیلتھ آرگنائزیشن کے جنرل سیکرٹری محمد ناصر دین کے مطابق ملازمین تنخواہوں کی عدم ادائیگی کیخلاف پرامن احتجاج پر مجبور ہیں۔ انہوں نے سیکرٹری وزارت صحت سے اپیل کی کہ صورتحال کا نوٹس لیا جائے اور تنخواہوں کی مد میں جاری کی گئی گرانٹ صرف تنخواہوں کی ادائیگی میں استعمال کی جائے۔