سرکاری سکولوں کی مجوزہ نجکاری ، والدین اور اساتذہ سراپا احتجاج

راولپنڈی (ناصر چشتی خصوصی نمائندہ) نگران پنجاب حکومت کی طرف سے سرکاری سکولوں کو پرائیویٹ سیکٹر کو دینے کے مجوزہ منصوبہ سے والدین میں تشویش کی لہر ڈور گئی جبکہ اساتذہ بھی سڑکوں پر سراپا احتجاج ہیں اور تعلیمی بائیکاٹ کر رکھا ہے۔ ذرائع کے کے مطابق نجی شعبہ کے تعاون سے چلنے والے پرائمری سکولوں کی فیس 3ہزار ،چھٹی سے آٹھویں تک 5ہزاروصول کی جائیگی جبکہ کتابیں بھی مفت نہیں ملیں گی۔ ادھر سرکاری ملازمین کے ساتھ اساتذہ نے بھی اپنے مطالبات کے حق میں لاہور میں دھرنہ دے رکھا ہے اور صوبے کے ہر شہر میں احتجاج کر رہے ہیں جس میں سرکاری سکولوں کی نج کاری کی مخالفت اور نعرہ بازی کی جا رہی ہے ۔ دوسری طرف کلاسز کا بائیکاٹ سے پچوں کی تعلیم بری طرح متاثر ہو رہی ہے ۔ ذرائع کے مبابق پہلے مرحلے میں محدود تعداد میں سکول نجی شعبہ کے تعاون سے چلائے جائیں گے ۔