ڈیموکریٹک فریڈم پارٹی پر پابندی کے خلاف بھارتی ہائی کمیشن کے باہر مظاہرہ

اسلام آباد (خصوصی نامہ نگار) حریت رہنما شبیر احمد شاہ کی سربراہی میں قائم جموں و کشمیر ڈیموکریٹک فریڈم پارٹی پربھارتی حکومت کی طرف سے پابندی کیخلاف کل جماعتی حریت کانفرنس اور جموں و کشمیر لبریشن سیل کے زیر اہتمام بھارتی ہائی کمیشن کے باہر احتجاجی مظاہرہ کیا گیا۔ کل جماعتی حریت کانفرنس کے سیکرٹری اطلاعات امتیاز وانی‘ جموں و کشمیر تحریک حق خود ارادیت انٹرنیشنل کے چیئرمین راجہ نجابت حسین، جموں و کشمیر لبریشن سیل کے ڈائریکٹر سرور حسین گلگتی‘ راجہ خان افسر خان‘ آل جموں و کشمیر مسلم کانفرنس کے صدر سردار عاصم عباسی‘ حریت کانفرنس کے سناوالہ ذار‘ حاجی سلطان بٹ‘ پرویز احمد ‘ انجینئر محمود سمیت دیگر نے قیادت کی۔ قائدین نے کہا کہ ایک سیاسی تنظیم پر جھوٹے اور من گھڑت الزامات لگا کر پابندی عائد کرنا بھارتی جمہوریت پر بدنما داغ ہے ۔