اسرائیل ناجائز ریاست،فلسطینی مجاہدین کی جرأت کو سلام ، لیاقت بلوچ

کلر سیداں(نمائندہ جنگ) جماعت اسلامی پاکستان کے نائب امیر لیاقت بلوچ نےکہا ہےکہ حماس کے مجاہدین نے جدید ٹیکنالوجی کا استعمال کر کے جرأت و بہادری کی نئی تاریخ رقم کر دی ہے،ہم فلسطینی مجاہدین کی اس جرات اور جذبے کو سلام پیش کرتے ہیں۔ اسرائیل ایک ناجائز ریاست ہے۔ ان خیالات کا اظہار انہوں نے  نائب امیر جماعت اسلامی پی پی 10 طاسین کی رہائشگاہ پر منعقدہ تقریب سے خطاب کرتے ہوئے کیا۔ امیر جماعت اسلامی ضلع راولپنڈی سید عارف شیرازی، امتیاز علی اسلم ،خالد محمود مرزا بھی اس موقع پر موجود تھے۔ انہوں نے کہا کہ کئی دہائیوں سے فلسطینی مسلمانوں کی نسل کشی کی جا رہی ہے ۔ لیاقت بلوچ نے کہا کہ اب وقت آ گیا ہے کہ مسلم حکمران آگے آئیں اور اسرائیلی جارحیت کا منہ توڑ جواب دیں۔