فوڈ ریگولیشنز کی خلاف ورزی لاکھوں روپے کی ناقص مچھلی تلف

اسلام آباد (خصوصی نامہ نگار) فوڈ اتھارٹی ٹیم نے ایف سیون میں فوڈ ریگولیشنز کی خلاف ورزی اور خراب مچھلی فروخت کرنے پر یونٹ سیل کر دیا۔ اس موقع پر لاکھوں روپے کی 512کلو مچھلی‘ 17کلو جھینگے‘ 40کلو گرام سکویڈ‘ 30کلو کیکڑے‘ 5لوبسٹرز ‘ 15 کلو گرام چکن کے پنجے بھی ضائع کر دیئے گئے۔ فوڈ سیفٹی ٹیم کا کہنا تھا کہ مچھلی اور جھینگے نامناسب درجہ حرارت پر ذخیرہ کئے گئے‘ کوئی لیبل موجود نہیں تھا اور مرغی کے خراب پنجے بھی ساتھ ہی سٹور کئے گئے تھے۔