مجھے عثمان ڈار،صداقت عباسی کی طرح کوئی کام کرناہوتاتوکرچکاہوتا،اسد عمر

اسلام آباد (خبر نگار) سابق وفاقی وزیر اسد عمر نے کہا ہے کہ اگر عثمان ڈار اور صداقت عباسی کی طرح کوئی کام کرنا ہوتا تو کر چکا ہوتا۔ میڈیا سے گفتگو کرتے ہوئے انہوں نے سپریم کورٹ فیصلہ کے فیصلے کو درست قرار دیا۔ نواز شریف کی وطن واپسی سے متعلق سوال پر اسد عمر نے کہاکہ اس فیصلے کے بعد یہ اچھا سوال ہے کہ نواز شریف واپس آئیں گے یا نہیں۔ سپریم کورٹ فیصلہ کے بعد شہباز شریف کیوں خوش ہے؟ یہ میرا آپ سے معصومانہ سوال ہے۔ ایک فیصلے پر تحریک انصاف بھی خوش ہے اور شہباز شریف بھی خوش ہے۔ سائفر کیس میں ریلیف سے متعلق سوال پر اسد عمر کا کہنا تھا کہ سائفر کیس میں الزام یہ ہے کہ جن کو ملا انہوں نے ٹھیک استعمال نہیں کیا۔ ہمارا ماننا ہے کہ قانونی استعمال کیا ہے۔