اسلامی ممالک کو کھل کر فلسطینی عوام کی حمایت کرنی چاہئے ، ضیاء عباس

کراچی( اسٹاف رپورٹر) سنیئر سیاست داں اور مسلم لیگ کے سابق سکریٹری جنرل سید ضیاء عباس نے کہا ہے کہ اسرائیلی جارحیت کے خلاف اگر دنیا نے سخت رد عمل کا اظہار نہیں کیا تو ایک نئی عالمی جنگ کا خطرہ بڑھ جائے گا، فلسطینی عوام پر جس طرح اسرائیل نے ظلم و بربریت کی ہے اس پر اسلامی ملکوں کو یک جہتی کا مظاہرہ کرتے ہوئے کھل کر فلسطینی عوام کی حمایت کرنی چاہئے، عالمی برادری اسرائیلی جارحیت کو روکنے اور مستقل حل کیلئے مثبت کر دار ادا کرے,، اسرائیل کو عالمی دہشتگرد ملک قرار دیا جائے، پاکستان سمیت مسلم ممالک اسرائیلی جارحیت پر اسرائیلی مصنوعات کا بائیکاٹ اور سفارتی تعلقات منقطع کرنے کا فیصلہ کریں،مسلم حکمران کھل کر فلسطین کے ساتھ کھڑے ہوں اور ہر طرح سے مدد کریں۔