اسمگلنگ روکنے کیلئے ملک بھر میں 50جائنٹ چیک پوسٹیں قائم

اسلام آباد (رپورٹ:حنیف خالد) اسمگلنگ روکنے کیلئے ملک بھر میں50جائنٹ چیک پوسٹیں قائم،صوبوں کے بارڈرز پر کسٹم‘ لیویز‘ رینجرز‘ پولیس‘ ایف سی اور قانون نافذ کرنیوالے دوسرے اداروں کی مشترکہ چیک پوسٹوں کی تشکیل کا آغاز کر دیا گیا۔ ان چیک پوسٹوں کی مشترکہ ذمہ داری ہو گی کہ ایک صوبے سے دوسرے صوبے میں چینی‘ گندم‘ کھاد اور دوسری ضروری اشیاء حتیٰ کہ پٹرول ڈیزل کی اسمگلنگ کا لامتناعی سلسلہ بند کر کے عوام کو گرانی کے عذاب سے نجات دلائی جائے۔ اس بارے جب فیڈرل بورڈ آف ریونیو کی ممبر کسٹم آپریشنز محترمہ زیبا حئی اظہر سے رابطہ قائم کیا گیا تو اُنہوں نے اس خبر کی تصدیق کرتے ہوئے کہا کہ کسٹم کے متعلقہ سینئر آفیسر آپ کو ساری صورتحال سے آگاہ کرینگے۔