شکارپور ، کوش برادری کے دو گروپوں میں تصادم، دو خواتین سمیت 4افراد قتل

سکھر(بیورورپورٹ)شکارپور میں کوش برادری کے دو گروپوں میں تصادم دو خواتین سمیت 4افراد جاںبحق 5زخمی ہوگئے۔ پولیس کے مطابق تحصیل خانپور کے نواحی گاؤں خیر محمد کوش میں کوش قبیلے کے دو گروپوں میں تصادم ہوگیا اور فائرنگ کے نتیجے میں دو خواتین سمیت 4افراد جاںبحق اور دو خواتین سمیت 5 افراد زخمی ہوگئے ہیں۔ جان بحق افراد کی شناخت مسمات ساجدہ مسمات بشیراں غلام مصطفی کوش اور عبدلغنی کوش کے نام سے ہوئی ہے، دونوں گروپوں مین فائرنگ دیرینہ دشمنی کے معاملے پر ہوئی ہے، دونوں گروپوں میں جدید اسلحے سے فائرنگ کا سلسلہ جاری ہے اور کچے کے علاقے میں مورچہ بند افراد کا ایک دوسرے پر حملوں کا سلسلہ جاری ہے۔ پولیس کی بھاری نفری کو علاقے میں روانہ کردیا گیا ہے۔