پاکستان میں بہت عزت سے رکھا گیا، پروپیگنڈہ میں صداقت نہیں، افغان پناہ گزین

اسلام آباد ( آن لائن ) غیر قانونی طور پر رہائش پذیر افغان مہاجرین اور غیر ملکیوں نے سوشل میڈیا پر جاری اس پروپیگنڈہ کو مسترد کر دیا کہ پاکستان میں مقیم افغان شہریوں کے ساتھ بْرا سلوک کیا جا رہا ہے۔ وطن واپسی کے موقع پر افغان شہریوں نے پاکستان میں گزارے وقت کو یاد کرتے ہوئے ایک افغان شہری نے کہا کہ میں پشاور میں رہائش پذیر ہوں، میرا تعلق افغانستان کے شہر کابل سے ہے۔ اس کا کہنا تھا کہ سوشل میڈیا پر پروپیگنڈہ جاری ہے کہ پاکستان میں مقیم افغان شہریوں کے ساتھ بْرا سلوک کیا جا رہا ہے، اس میں کوئی صداقت نہیں ۔ الحمداللہ ابھی تک ہمیں بہت عزت سے رکھا گیا۔ میں افغان شہری ہوں، اور POR کارڈ ہولڈر ہوں، میرے خلاف کسی قسم کی کاروائی نہیں ہوئی۔ افغان شہری کا مزید کہنا تھا غیر قانونی مہاجرین کو چاہیئے کہ باعزت طریقے سے افغانستان چلے جائیں۔ جو افغان باشندے غیر قانونی طور پر پاکستان میں مقیم ہیں، ان کو پروٹوکول کے ساتھ بھیجا جا رہا ہے۔ افغان شہری کا کہنا تھا کہ جو غیر رجسٹرڈ افغانی ہیں وہ رضاکارانہ طور پر افغانستان چلے جائیں۔ جبکہ غیر قانونی افغان پناہ گزینوں کو واپس افغانستان بھیجنا خوش آئند فیصلہ ہے ۔ پاکستانی پولیس کی جانب سے ہمارے ساتھ کوئی زبردستی نہیں کی گئی۔ فغان شہری کا مزید کہنا تھا ہم پاکستانی قانون کا بہت احترام کرتے ہیں۔ ہمارا دوسرا گھر پاکستان ہے۔افغان باشندوں کا بحفاظت انخلاء پاکستانی سیکیورٹی فورسز کی اولین ترجیح ہے۔