بڑے بڑے لوگوں کی فلمیں آنے والی ہیں،کیپٹن(ر) صفدر

اسلام آباد (خبر نگار) پاکستان مسلم لیگ (ن) کے رہنماء کیپٹن (ر) صفدر نے کہا ہے کہ نواز شریف کی واپسی فیملی سیکرٹ ہے ، جب بھی واپس آئینگے چار پانچ لاکھ لوگ ائیر پورٹ پر استقبال کیلئے پہنچیں گے، اسلام آباد ہائیکورٹ آمد کے موقع پر میڈیا سے گفتگو میں انہوں نے آئندہ چند روز میں سابق چیف جسٹس ثاقب نثار کی سینما سکوپ فلم آنے کی پیشگوئی کرتے ہوئے کہا کہ بڑے بڑے لوگوں کی فلمیں آئیں گی ، کوئی سوئمنگ پول ، کوئی واش روم میں گھرا ہوا ہے،اس فلم کا ڈائریکٹر ایک عام پاکستانی ہے جو قائد اعظم کو بتاتا ہے کہ پاکستان کمزور اور دو لخت ہو گیا، نواز شریف کی وطن واپسی فیملی سیکرٹ ہے کہ وہ کب آئیں گے ، البتہ نواز شریف جب وطن واپس آئیں گے تو چار پانچ لاکھ لوگ لاہور ائیرپورٹ پر استقبال کرینگے۔