ابھی تو الیکشن اور پارٹی چیئرمین منتخب ہونا ہے، بابر اعوان

01 دسمبر ، 2023

اسلام آباد (این این آئی)پاکستان تحریک انصاف کے رہنما بابر اعوان نے پارٹی چیئرمین کے انتخاب سے متعلق گفتگو کرتے ہوئے کہا ہے کہ ابھی الیکشن ہونا ہے، ابھی تو پارٹی چیئرمین منتخب ہونا ہے۔میڈیا سے گفتگو میں بابر اعوان سے سوال کیا گیا کہ کیا انتخابات میں تیسرا امیدوار بھی آ سکتا ہے؟جس کا جواب دیتے ہوئے بابر اعوان نے کہا کہ آج واپسی پر اس معاملے پر گفتگو کروں گا۔اس سے قبل اسلام آباد ہائی کورٹ کے باہر لطیف کھوسہ نے میڈیا سے گفتگو کرتے ہوئے کہا کہ جو چیئرمین پی ٹی آئی نے کہا تھا کہ وہ میں نے آ کر بتایا۔لطیف کھوسہ سے سوال کیا گیا کہ کیا بیرسٹرگوہر اور علی ظفر درست نہیں کہہ رہے؟جس کا انہوں نے جواب دیا کہ وہ درست کہہ رہے ہیں یا نہیں لیکن میں ٹھیک کہہ رہا ہوں۔واضح رہے کہ گزشتہ روز میڈیا سے گفتگو کرتے ہوئے تحریک انصاف کے وکیل علی ظفر نے کہا تھا کہ چیئرمین پی ٹی آئی انٹرا پارٹی الیکشن نہیں لڑ رہے۔