مقبوضہ کشمیر میں ظلم و جبر کی بھارتی پالیسی ناکام ہوچکی ، محبوبہ مفتی

سرینگر (کے پی آئی) پیپلز ڈیموکریٹک پارٹی کی صدر محبوبہ مفتی نے کہا ہے کہ مقبوضہ کشمیر میں ظلم و جبر کی بھارتی پالیسی ناکام ہوچکی ہے۔محبوبہ مفتی نے شوپیاں کے علاقے زین پورہ میں ایک روزہ ورکرز کنونشن سے خطاب کرتے ہوئے کہا کہ مقبوضہ جموںوکشمیر میں دیرپا امن قائم کرنے کا واحد راستہ مفاہمت اور ایسی بامعنی بات چیت ہے جس میں کشمیریوں کا وقار ملحوظ خاطررکھا گیا ہو۔انہوں نے کہا کہ جبر واستبداد کی بھارتی پالیسی ماضی میں بھی ناکام ہوچکی ہے اور مستقبل میں بھی اسکا کوئی نتیجہ نہیں نکل سکتا۔انہوں نے کہا کہ بھارت کشمیریوں کو گزشتہ تقریبا آٹھ دہائیوں سے شک کی نگاہ سے دیکھ رہا ہے۔