مزید 3776غیر قانونی افغان شہری اپنے ملک واپس چلے گئے

اسلام آ باد (آئی این پی ) یکم دسمبر2023تک پاکستان چھوڑنے والے غیر قانونی افغان باشندوں کی کل تعداد4لاکھ دو ہزار 312تک پہنچ چکی ہے اور واپسی کا یہ سلسلہ جاری اور ساری ہے،گزشتہ روز مزید 3776غیر قانونی افغان شہری اپنے ملک واپس چلے گئے۔ پاکستان کا افغان باشندوں کے لیے جذبہ خیرسگالی،ملکی سالمیت اور استحکام کے پیشِ نظر حکومت پاکستان نے غیرقانونی افغان باشندوں کو اپنے ملک واپس بھیجنے کا فیصلہ کیا۔ اور ان کو دیگر ممالک میں منتقل کرنے میں اہم کردار ادا کیا۔ پاکستان نے 295 افغان باشندوں کو کینیڈا جانے میں مدد کی جہاں انہیں 33 مختلف شہروں میں رہائش بھی فراہم کی جائے گی۔ پاکستان سے سینکڑوں افغان باشندوں کو برطانیہ منتقل کرنیکا سلسلہ بھی جاری ہے۔