امریکا، دھوکا دہی پر ری پبلکن رکن کانگریس کو ایوان سے نکال دیا گیا

واشنگٹن (این این آئی )امریکا میں ری پبلکن پارٹی کے رکن کانگریس جارج سانتوس کو دھوکا دہی اور اپنے ماضی کے بارے میں جھوٹ بولنے پر ایوان سے نکال دیا گیا۔غیرملکی خبررساں ادارے کے مطابق بدنام جارج سانتوس کو کانگریس سے نکالنے کی قرارداد114کے مقابلے میں311 ووٹ سے منظور کی گئی۔ جارج سانتوس پر الزام ہے کہ انہوں نے انتخابی مہم کی رقم موج مستی اور شاہ خرچیوں پر اڑائی اور کتے کے لیے مختص چیریٹی رقم بھی چرالی۔35 برس کے سانتوس کا تعلق نیویارک کے علاقے کوئنز سے ہے اور وہ ایوان سے نکالے گئے چھٹے رکن کانگریس ہیں۔امریکی میڈیا کے مطابق سانتوس کی جگہ لینے کے لیے درجنوں خواہش مند میدان میں آگئے ۔