انتخابی منشور کی تیاریوںپرکام شروع کردیا،ترجمان مرکزی مسلم لیگ

لاہور(خبرنگار)پاکستان مرکزی مسلم لیگ کے ترجمان تابش قیوم نے کہا ہے کہ مرکزی مسلم لیگ نے انتخابی منشور کی تیاریوں پر کام شروع کر دیا۔جس کے لیے باقاعدہ کمیٹی تشکیل دے دی گئی ہے۔مرکزی مسلم لیگ کا منشور عوام کی امنگوں کے عین مطابق اور ملک کو موروثی سیاست سے نجات دلانے والا ہوگا۔ اشرافیہ کے لیے اب اس ملک کوئی جگہ نہیں ہوگی۔مرکزی مسلم لیگ کے ترجمان کا مرکزی سیکرٹریٹ سے جاری کردہ اپنے بیان میں کہنا تھا کہ سابقہ سیاسی جماعتوں نے ملک میں سیاسی اور معاشرتی اخلاقیات کا جنازہ نکال کر رکھ دیا ہے۔ جن جماعتوں کو ایک دوسرے پر تنقید الزامات اور کیچڑ اچھالنے سے فرصت نہ ملے وہ عوام کے مسائل کا حل خاک کریں گی۔مرکزی مسلم لیگ کا منشور عوام کے حل طلب مسائل کے گرد گھومتا ہے۔ جلد پارٹی منشور منظر عام پر لایا جائے گا۔