کرتار پور،بابا گورو نانک کے جنم دن کی تقریبات اختتام پذیر ہو گئیں

شکر گڑھ ( نامہ نگار ) کرتار پور میں بابا دن کی تقریبات اختتام پذیر ہو گئیں راستہ واہگہ بارڈر پاکستان آئے 22 سو یاتری بسوں میں سوار ہو کر روانہ ہوگئے ۔یاتریوں نے بہترین انتظامات پر حکومت پاکستان کا شکریہ ادا کیا اور بھارت سرکار سے پاکستانی شہریوں کے لیے بھی راہداری بنانے کا مطالبہ کیا ، بابا گورو نانک کے جنم دن کی تقریبات میں شرکت کے لیے پاکستان سمیت دنیا بھر سے آئے ہزاروں یاتریوں نے شرکت کی ملائیشیا ، کینیڈا اور برطانیہ سمیت براستہ واہگہ بارڈر آئے2200 یاتریوں نے دربار کرتارپور میں ماتھا ٹیکا اور کیرتن اور امرت ویلہ کی رسومات ادا کیں ۔ لنگر ہال میں یاتریوں کی تواضع بابا جی کے زیرکاشت رقبے سے حاصل ہونے والی ، مکس سبزی دال مونگ ، اچار پلاؤ اور چپاتی کے ساتھ گرما گرم چائے سے کی گئی ۔یاتریوں نے قائم شاپنگ مال خریداری بھی کی یاتریوں نے کہا کہ پاک بھارت حکومت مزید سرحدیں کھولے تاکہ تجارت اور ترقی کے ساتھ ساتھ مذہبی سیاحت کو فروغ ملے ۔ واہگہ کے راستے آئے یاتری کرتار پور میں دو روزہ قیام کے بعد حسین یادیں لئے واپس لوٹ گئے۔