غذائی اشیاء میں ملاوٹ کی روک تھام یقینی بنائی جائے، سیکرٹری خوراک

05 دسمبر ، 2023

مظفر آباد(نمائندہ جنگ سیکرٹری خوراک چوہدری محمد رقیب کی زیر صدارت محکمہ خوراک کے افسران کا اجلاس، سپریم کورٹ کے احکامات پر ہر صورت عملدرآمد یقینی بنانے کی ہدایت۔ اجلاس میں موبائیل فوڈ لیب اور سٹیٹک فوڈ لیب کے قیام کے لیے اقدامات کا جائزہ بھی لیا گیا اور آزادکشمیر فوڈاتھارٹی کے قانون کے تحت اشیاء خوردونوش مثلا گھی آئل اور مشروبات کی چیکنگ کو یقینی بناتے ہوئے رپورٹ سیکرٹریٹ خوراک کو فراہم کرنے کی ہدایت بھی کی گئی۔ سیکرٹری خوراک نے ہدایت کی کہ آفیسران آزادکشمیر کے اندر غیر معیاری دودھ، مصالحہ جات اور دیگر کھانے پینے کی چیزوں میں ملاوٹ کی روک تھام کو ہر ممکن یقینی بنائیں۔ تمام ڈسٹرکٹ فوڈ کنٹرولرز کو، بیوگان، یتیم اور مستحقین کو ترجیحی بنیادوں پر آٹے کی فراہمی یقینی بنانے کی ہدایت بھی کی گئی۔