بہاول پور‘ چڑیاگھر میں پنجرے سےایک شخص کی لاش ملنے کی تحقیقا ت کا حکم

بہاول پور (ڈسٹرکٹ رپورٹر) چڑیا گھر میں   پنجرے سے ایک شخص کی لاش ملنے کی تحقیقا ت کا حکم دیدیا گیا۔ اس حوالے سے معلوم اس وقت ہوا جب صبح چڑیاگھرکاعملہ شیروں کے پنجرے کی صفائی کیلئے پہنچا۔ انہوں نے دیکھاکہ شیرکسی انسانی جسم کو چیرپھاڑرہاہے جس پرفوری طورپرتمام افسران کو اطلاع دی گئی اور شیرکوپنجروں سے نکال کرانسانی لاش کوجوکہ ٹکڑوں میں بٹ چکی تھی کو نکالا گیا۔ اس واقعہ کے حوالے سے تاحال کوئی حتمی بات سامنے نہیں آسکی تاہم ذرائع کاکہناہے کہ یہ شخص کوئی نشئی ہوسکتاہے جورات کے وقت کسی طرح چڑیاگھرمیں داخل ہوا اورشیرکے پنجرے کے ساتھ ملحقہ کھلے ایریا جہاں پرشیروں کوکھلاچھوڑاجاتاہے میں پڑے کچھ لوہے کے پائپس کواُٹھانے کی کوشش میں یہ اس احاطے کے اندرگرگیا جس پر بنگالی ٹائیگرز نے اس کو دبوچ لیا اور چیرپھاڑ دیا۔ڈپٹی کمشنر بہاولپور نے میڈیاسے گفتگو کرتے ہوئے بتایاکہ ابتدائی اطلاع کے مطابق ہو سکتا ہے کہ یہ ایک نشئی ٹائپ کاشخص ہو جوکہ کسی بھی طریقے سے چڑیاگھرمیں داخل ہوا اوراس حادثے کا شکار ہوگیا۔