ڈالر کی قیمت میں 25 پیسے تک کمی

کراچی ( اسٹاف رپورٹر) ڈالر کی قیمت میں 25 پیسے تک کی کمی، یورو 2 روپے سستا ہو گیا،پاونڈ کی قیمت بھی ایک روپے گھٹ گئی، فاریکس ایسوسی ایشن کی جاری کردہ رپورٹ کے مطابق بدھ کو روپے کے مقابلے پر انٹر بینک میں ڈالر کی قیمت خرید 20 پیسے کی کمی سے 284.20روپے سے کم ہو کر 284.00 روپے اور قیمت فروخت 25پیسے کی کمی سے 284.50روپے سے کم ہو کر 284.25 روپے پر آگئی ہے۔اوپن مارکیٹ میں بھی 25 پیسے کی کمی سے ڈالر کی قیمت خرید 282.25 روپے سے کم ہو کر 282.00 روپے اور قیمت فروخت 285.25 روپے سے کم ہو کر 285.00 روپے ہو گئی ہے ،فاریکس ایسوسی ایشن کی جاری کردہ رپورٹ کے مطابق 2 روپے کی کمی سے یورو کی قیمت خرید 307.00 روپے سے کم ہو کر 305.00 روپے اور قیمت فروخت 310.00 روپے سے کم ہو کر 308.00 روپے ہو گئی جبکہ ایک روپے کی کمی سے برطانوی پاؤنڈ کی قیمت خرید 357.00 روپے سے کم ہو کر 356.00 روپے اور قیمت فروخت 361.00 روپے سے کم ہو کر 360.00 روپے ہو گئی۔دریں اثنا بدھ کو اسٹیٹ بینک کا ڈالر کلوزنگ ریٹ 24 پیسے کی کمی سے 284.14 روپے پر آگیا۔