بانی PTI کیخلاف گواہی نہیں دوں  گا‘ ندیم افضل چن

اسلام آباد /سرگودھا(این این آئی)سابق وفاقی وزیر ندیم افضل چن نے کہا ہے کہ میں عمران خان کے خلاف گواہی نہیں دوں گا، اگر کسی نے مجھے عدالت میں بلاکر یہ کہا کہ گواہی دو تو میں ہرگز ایسا نہیں کروں گا۔میں عمران خان کو کہتا تھا کہ شہزاد اکبر ایک فراڈ شخص ہے یہ آپ کو مروائے گالیکن آج سابق چیئرمین پی ٹی آئی جیل میں ہیں تو میرا ضمیر گوارہ نہیں کرتا کہ میں کسی قیدی کیخلاف بات کروں۔ تحریک انصاف کابینہ کا حصہ رہنے والے سابق وزیر ندیم افضل چن نے ایک تقریب سے خطاب کرتے ہوئے کہا کہ مجھے نیب نے 2نوٹسز بھیجے اور طلب کیا، جس پر میں نیب آفس گیا، وہاں مجھ سے القادر ٹرسٹ کیس کے حوالے سے سوال کئے گئے میں نے وہ بتادیا جو کابینہ میں ہوا تھا ۔ میں وضاحت کرنا چاہتا ہوں کہ میری تربیت ایسی نہیں ہوئی کہ میں قیدیوں اور مظلوموں پر بات کروں، مجھے کوئی کہے کہ عدالت میں آکر گواہی دے تو میں اس کیلئے ہرگز تیار نہیں ہوں۔